ოქსიგენია არის უნიკალური, მწვანე სააგარაკე დასახლება, რომელიც მდებარეობს ისტორიულ შიდა ქართლში, თრიალეთის ქედის პირას, სოფელ ნოსტესთან, თბილისიდან 35 წუთის სავალ გზაზე.
ჩვენი მისიაა ეკო-მეგობრული გარემოს ინტეგრირება თანამედროვე სტანდარტებთან. სწორედ ამიტომ, ოქსიგენიას 34 ჰექტარ ტერიტორიაზე გავახარეთ 25 000-ზე მეტი პაულონია ტომენტოსა. ეს ხე გამოირჩევა სწრაფი ზრდით, ლამაზი ყვავილობით, დიდი მწვანე ფოთლებით და რეკორდული ოდენობის ჟანგბადის გამოყოფის უნარით.
ოქსიგენიას სააგარაკე დასახლება შედგება 200-ზე მეტი ტყის ნაკვეთისგან, საიდანაც თითოეულზე იზრდება ათეულობით ხე. შესაბამისად, ყველა ოქსიგენიელის სახლი და ეზო ტყის სიმწვანესა და ჟანგბადში იქნება ჩაფლული.
ოქსიგენია გთავაზობთ ჟანგბადით მდიდარ, ესთეტიურად სასიამოვნო და კომფორტულ საცხოვრებელ გარემოს, ქალაქის ტიპის ინფრასტრუქტურითა და კომუნიკაციებით, განაშენიანების დეტალური გეგმისა და საერთო სარგებლობის სივრცეების დახმარებით.
ოქსიგენია გათვლილია ყველა ასაკისა და ინტერესის მქონე ადამიანზე. აქ დაგხვდებათ ბუნებასთან ჰარმონიაში მყოფი, ტყეში განთავსებული თანამედროვე დასახლება, სადაც შექმნილი იქნება ყველა პირობა, რათა ბავშვებმა ისუნთქონ სუფთა ჰაერი და ისე დაისვენონ არდადეგებზე, ოჯახები შაბათ-კვირას გავიდნენ ქალაქიდან განსატვირთად, Freelancer-ებმა იმუშაონ დისტანციურად, კომპანიებმა დააორგანიზონ გასვლითი აქტივობა თანამშრომლებისთვის, ტურისტებმა იმოგზაურონ ისტორიულ ადგილებში და მეგობრებმა ხარისხიანად გაატარონ დრო.
ოქსიგენია ქმნის ჯანსაღი ცხოვრების ახალ სტანდარტს საქართველოში.